Time: 4th Jan 2009A.D 10:00 PM
心理醫生畀軍方請咗去太平洋一笪地方，同埋生物學家、數學家、天體物理學家，4個人就接咗單order，要落去海底。軍方話喺海底發現咗艘太空船，機翼有咁啱得咁橋鎅斷咗條電纜，思疑係E.T嘅太空船嚟喎。咁4個人坐潛艇仔落去深海1000呎探險兼研究。
估唔到軍方都幾快手，晨咁早就喺下邊整咗個基地。個基地同太空站差唔多，衹係太空同海底嘅分別。艘太空船就喺基地隔嚟，基地有條隧道直通太空船個門口。入到太空船，心理醫生同生物學家check過下太空船部電腦嘅飛行日誌，先至知呢艘係2047年嘅太空船，仲係Made in USA嘅添。日誌話遇到不明異體入侵，跟尾仲發現咗條鹹魚——1個瓜咗好耐嘅太空人，手上邊仲揸住包朱古力。個太空人係畀人卜穿頭死嘅。之後，大家又發現在咗個球形物體，金色嘅，都好大下，層皮十足水銀咁。呢個金波有佢自己嘅意志，想反射啲乜，唔想反射啲乜，都係佢話事。
返番基地之後，數學家嘅推理話佢哋基地嘅人都會冚家富貴。第日朝頭早，數學家就唔見咗人，喺閉路電視度見到佢去咗個金波嗰度。個金波反射佢個樣之後，佢就入咗個波入邊，個人好似成隻鬼咁唔見咗。心理醫生去救佢，去到佢又無喇喇出返嚟。
